Imigassaq aalakoornartortalik pillugu suliniarneq
Inatsisartut inatsisaat nr. 11 11. november 2000-imeersoq imigassanik aalakoornartortalinnik nioqquteqarneq sallaalliinerlu pillugu kapitali 5 § 15-imi Imigassaq Ikiaroornartorlu pillugit isumalioqatigiissatamik pilersitsinermut atatsillugu ima malittuani oqaasertaliisoqarpoq:
Isumalioqatigiissitaq pitsaaliuinissamut, peqqinnermut suliniuteqarnissamut, nakkutilliinissamik katsorsaanissamullu siunnersuisartussatut aaqqissuussaavoq. Isumalioqatigiissitap imigassamik, ikiaroornartumik assigisaanilluunniit atornerluinerup ineriartornera malittarissavaa.
Taaneqartut saniatigut isumalioqatigiissitaq Naalakkersuisunut taakkulu Naalakkersuisoqarfiisa malitsigisaannut malittuani suliassanut taaneqartunut siunnersuisuusartuussaaq:
· Atornerluinerup suunera malillugu anguniakkanut iliuusissanullu tamakkiisumik siunnersuusiussaaq.
· Ilisimatuutut misissuisinnaanissanut pisariaqartitanillu tikkuaasinnaassaaq.
· Paasissutissanut ataqatigiissaarinermullu tapersiisuussaaq paasisanik paasisimasaqarluartullu ilisimasaannik ingerlatiteqqittassalluni.
· Ukiumoortumik imigassaq ikiaroornartullu atugaanerata ineriartornera pillugu Naalakkersuisunut
Allorfik aammalu atornerluinermut katsorsartinneq
Peqqinnissaqarfik pisortatigoortumik atornerluinermut katsorsartinnissamut allaffissornikkut Allorfimmit ingerlanneqartunik neqerooruteqartarpoq, kommunilli innuttasunut katsorsartinnissamut kajumissaarisarlutik. Allorfik Namminersorlutik Oqartussani atornerluinermut katsorsartinnernik aammalu ilaqutariinnut naartusunut iliuuseqarasuartarnermut suliaqarfiuvoq 2016-imi pilersinneqartoq. Suliaqarfik aaqqissuussaanikkut Peqqissutsimut Naalakkersuisoqarfiup ataani inissisimavoq. Allorfik imigassamik ikiaroornartumillu atornerluinermut, ludomaniimut aammalu akuleriimmik atornerluinermut katsorsartinnissamik neqerooruteqartarpoq. Allorfik 2016-imit 2018-imut kommunini tamani katsorsaavinnik inunnut ataasiakkaanut naleqqussakkanik katsorsartinnissamut neqerooruteqartussanik pilersitsissaaq. Taamatuttaaaq Allorfik innuttaasunut, atornerluinermi aammalu atornerluinermut katsorsaanernik suliaqartunut iliuuseqarasuartarnermullu suliassaqarfimmi sulisunut oqarasuaatikkut siunnersuisarfeqarpoq.
Ullumikkut imigassamik, ikiaroornartumik, akuleriinnillu atornerluinermut aammalu ludomaniimut katsorsartinnerit Nuummi Katsorsaavik A/S-imi ingerlanneqartarput.
Allorfik aammalu Katsorsaavik pillugit annertunerusumik atuartoqarsinnaavoq nittartakkani uani: www.Allorfik.gl aammalu www.Katsorsaavik.gl
Titartagaq 10.1. Imigassamik atuineq inummut ataatsimut 14 sinnerlugit ukiulimmut ataasinnguakkaarlugit
Najoqqutaq: Akileraartarnermut Aqutsisoqarfik, Qallunaat Nunaanni Naatsorsueqqissaartarfik aammalu Naatsorsueqqissaartarfik
Imigassamik aalakoornartortalimmik atuineq Tabel 12-imi takuneqarsinnaavoq.
Imigassamik hashilu atornerluinikkut katsorsaaneq
Peqqinnissaqarfik pisortatigoortumik atornerluinikkut katsorsaanissamut neqeroorummik ingerlatsivoq innuttaasullu katsorsarneqartussat kommuneqarfiit toqqartarpaat.
2012-mi imigassamik ikiaroornartumillu katsorsaasarfik Katsorsaavik Nuuk A/S-mit ingerlanneqalerpoq ukiunilu amerlasuuni Ilulissani Nuummilu Qaqiffimmit ingerlanneqareerluni.
Katsorsaaviup nittartagaa www.katsorsaavik.gl iserfigalugu paasisaqarnerusinnaavutit.